Нүүр хуудас »
2013 »
дөрөвдүгээр сар »
10 » “Реал”, “Дортмунд” их шөвөгт шалгарлаа.
9:24 AM “Реал”, “Дортмунд” их шөвөгт шалгарлаа. |
Испанийн "Реал Мадрид”, Германы "Боруссия Дортмунд” багууд Европын
хөлбөмбөгийн холбооны Аваргуудын лигийн шөвгийн дөрөвт өрсөлдөх эрхээ
авлаа.
Өнгөрсөн шөнө Испанийн эзэн хааны албатууд гэгддэг "Реал”
Туркийн "Галатасарай” багийн талбайд зочлон тоглож, 3:2 харьцаатай
хожигдсон ч аяллаа цааш үргэлжлүүлэхээр болсон. Учир нь "Реал” талбайдаа
хийсэн эхний тоглолтод "Галатасарай”-г 3:0-ээр хожоод байсан юм.
Ингэснээр хоёр тоглолтын нийлбэр дүнгээр "Реал” 5:3-аар илүүрхэж,
шөвгийн дөрөвт шалгарлаа. Тоглолтын долоо дахь минутад Криштиан Роналду
гоолдсоноор зочид тэргүүлж эхэлсэн. Үүний хариуд талбайн эздээс Эбуэ 57,
Снайдер 71, Дрогба 72 дахь минутад гоолдож, тоглолтын тооны харьцааг
ойртуулсан. Гэвч "Реал” дахин алдаа гаргасангүй. Улмаар 90+2 дахь
минутад Криштиан Роналду гоолдсоноор тоглолтын эцсийн цэгийг тавьсан юм.
Мөн
энэ үеэр Германы "Боруссия Дортмунд” талбайдаа Испанийн "Малага” багийг
хүлээн авлаа. Энэ тоглолт 1999 оны Аваргуудын лигийн шигшээ тоглолтыг
санагдуулам сонирхолтой боллоо. 1999 онд Английн "Манчестер Юнайтед”
Германы "Байерн Мюнхен”-ийг шүүгчийн мэдлийн нэмэлт цагт хоёр гоол
оруулан хожиж, түрүүлсэн билээ. Гэтэл өнгөрсөн шөнө Германы "Дортмунд”
талбайдаа "Малага”-г шүүгчийн мэдлийн цагт хоёр гоол оруулан хожиж,
шөвгийн дөрөвт шалгарлаа. Тоглолтын гоолын салхийг "Малага” багийн хагас
хамгаалагч 25 минутад Хоакин нээсэн бол 40 дахь минутад "Дортмунд”-ын
мэргэн бууч Роберт Левандовски гоолдсоноор эхний үе тэнцээгээр өндөрлөв.
Харин тоглолтын хоёрдугаар үеийн 82 дахь минутад талбайн зочин багийн
Элизеу гоолдлоо. Ингэснээр "Малага” цааш шалгарах боломжтой болсон юм.
Тэд үлдсэн 10 орчим минутад хоёр гоол алдаагүй тохиолдолд цааш шалгарах
байсан юм. Ингэснээр тоглолтын 90 минут дуусч, шүүгч гурван минут
сунгалаа. Гэтэл 90+1 дэх минутад Марко Ройс, 90+3 дахь минутад Фелипе
Сантана гоолдсон нь өнгөрсөн шөнийн хамгийн оргил мөч боллоо. Ингэснээр
"Дортмунд” Испанийн "Малага” багийг 3:2-ийн харьцаатай шүглийн дуутай
уралдан оруулсан хоёр гоолын ачаар буулган авлаа.
|
|
Админы урмыг мялаана уу ^^
|
Статистик 
Администратор: 1 
Хориглосон гишүүд: 0 
